नवराज सुवेदीलाई बिनापुर्जी घरमै प्रहरी निगरानीमा राखेको पाइयो: आयोग

काठमाडौं- मानव अधिकार आयोगले नवराज सुवेदीलाई बिनापूर्जी घरमा प्रहरी निगरानीमा राखेको बताएको छ। 

शुक्रबार आयोगका प्रवक्ता टीकाराम पोखरेलले प्रेस विज्ञप्ति जारी गर्दै नवराज सुवेदीलाई बिनापूर्जी घरमा प्रहरी निगरानीमा राखेको पाइएको बताएको हो। 

'आयोगका सदस्य मनोज दुवाडी सम्मिलित टोलीले नजरबन्दमा राखिएको भनिएका संयुक्त जनआन्दोलन समितिका संयोजक नवराज सुवेदीलाई भेटेको छ,' विज्ञप्तिमा भनिएको छ, 'निजलाई बिनापूर्जी निजकै घरमा प्रहरी निगरानीमा राखिएको पाइएको छ।'

यस्तै आयोगले प्रहरी हिरासतमा रहेका विभिन्न व्यक्तिको अवस्था र घटनामा परी घाइते भएकाहरूको उपचारको अवस्थाबारे पनि जानकारी लिएको जनाएको छ।