मंगलबार, पुस ८, २०८२
धादिङमा पहिरोले कार बगायो, सडक अवरुद्ध
मुग्लिन-मलेखु सडक खण्डको चिरौदी खोला नजिक पहिरोले एउटा कार बगाएको छ।
पहिरोमा परेर ४ जना घाइते भएका छन्। बिहीबार साँझ भएको घटनामा घाइते भएकाहरूलाई अस्पताल पठाइएको र अहिले उद्धारका साथै बाटो खुलाउने कार्य जारी रहेको धादिङ प्रहरीले जनाएको छ।
पहिरोले कारलाई बगाएर सडकभन्दा केही तल खसालेको छ।
पहिरोको कारण राजमार्ग पनि अवरुद्ध भएको छ। ठूलो पहिरो खसेकोले पन्छाउन समय लाग्ने धादिङ प्रहरीले जनाएको छ। पहिरो पन्छाउन निर्माणाधीन सडक आयोजनाको मेसिन प्रयोग गरिएको छ।
लगातारको वर्षासँगै आएको पहिरोको कारण सडक अवरुद्ध हुँदा संघीय राजधानी काठमाडौं भित्रिने र बाहिरिने सवारी साधन रोकिएका छन्।
प्रतिक्रिया दिनुहोस्
सम्पर्क
Shantinagar, Kathmandu, Nepal
फोन : +977-1-4790040/+977-1-4790242
इमेल : nepalsamayanews@gmail.com
फोन : +977-1-4790040/+977-1-4790242
इमेल : nepalsamayanews@gmail.com