हेर्ने कथाको प्रभाव: प्रधानमन्त्री ओलीले खोजे प्रकाशलाई

काठमाडौं- युट्युब च्यानल ‘हेर्ने कथा’मा ‘हराएका वर्षहरू’ शीर्षकमा प्रकाश तामाङ (काले मोक्तान) को कथा सार्वजनिक भएपछि सर्वत्र यसको चर्चा छ।  भिडियो प्रधानमन्त्री केपी ओलीले पनि हेरेका छन्।

ओलीले प्रकाश तामाङ र हेर्ने कथाकी प्रस्तोता विद्या चापागाईंलाई भेटेर यस विषयमा कुरा गर्ने बताएका छन्।

प्रधानमन्त्री ओलीले सामाजिक सञ्जाल फेसबुकमा लेखेका छन्, ‘प्रकाश तामाङ (काले मोक्तान) को परिवारसँग मिलनको दृश्यले आँसु आयो। सोचें- यस्ता कति प्रकाशहरू वर्षौंदेखि हराएका होलान् ! एकपटक प्रकाशलाई भेटेर उहाँको कुरा सुन्न चाहन्छु। विद्या चापागाईं प्रभावशाली ‘स्टोरी टेलर’ हुनुहुन्छ । हेर्ने कथामा उहाँले प्रस्तुत गरेका अरू कैयौं कथाहरू पनि हेरेको छु। विद्या चापागाईंसँग पनि भेटेर यस विषयमा कुरा गर्नेछु। यस मर्मस्पर्शी कथालाई दृश्यमा ल्याइदिएकोमा हेर्ने कथा टिमलाई धन्यवाद !!’