नागार्जुनमा जिपको ठक्करबाट मोटरसाइकल चालकको मृत्यु

काठमाडौंको नागार्जुनमा जिपले मोटरसाइकल ठक्कर दिँदा मोटरसाइकल चालकको मृत्यु भएको छ।

नागार्जुन नगरपालिका-७ स्थित सडकमा प्र ०१-०२५ च ९२४३ नम्बरको जिप र बा.प्र.०२-०१७ प १०९ नम्बरको मोटरसाइकललाई शनिबार राति ठक्कर दिएको थियो।

दुर्घटनामा मृत्यु भएका व्यक्तिको पहिचान खुलेको छैन। चालकको साथमा भएको लाइसेन्स र ब्लु बुकको आधारमा प्रहरीले मृतक प्रवेश खड्का भएको बताएको थियो। तर खड्का नेपाल समयको सम्पर्कमा आएका छन्।

आफूले साथीलाई कागजपत्र र मोटरसाइल दिएको जानकारी दिँदै उनले आफू दुर्घटनामा नपरेको जानकारी दिए।

*चालकको साथमा रहेको कागजपत्रको आधारमा प्रहरीले दिएको जानकारीअनुसार सम्प्रेषण गरिएको समाचारमा मृतकको नाम अर्कै पर्न गएकोमा क्षमा याचनासहित सच्याइएको छ। -स‌म्पादक