शुक्रबार, पुस ४, २०८२
ड्युटीमा बेहोस भएका प्रहरी सहायक हवल्दारको मृत्यु
अछाममा ड्युटीमा बेहोस भएका प्रहरी सहायक हवल्दार टंकबहादुर बोहराको मृत्यु भएको छ। जिल्ला प्रहरी कार्यालयमा कार्यरत मंगलसेन– ८ ओलीगाउँका बोहरा शनिबार दिउँसो नागरिक सहायता कक्षामा ड्युटी गरिरहेका बेला बेहोस भएका थिए।
एक्कासि बेहोस भएर भुइँमा लडेपछि उनलाई तत्काल जिल्ला अस्पताल मंगलसेन लगेर इमरजेन्सी वार्डमा भर्ना गरिएको थियो। अस्पताल पुर्याएलगत्तै ३६ वर्षीय बोहरालाई चिकित्सकले मृत घोषणा गरेको जिल्ला प्रहरी कार्यालय अछामले जनाएको छ।
बोहराको मृत्युको कारण भने भिसेराको रिपोर्ट आएपछि मात्र थाहा हुनेछ। त्यसका लागि पोस्टमार्टम गरी भिसेरा संकलन गरेर परीक्षणका लागि पठाइएको छ। जिल्ला प्रहरी कार्यालय बझाङको अपराध अनुसन्धान समूहमा दरबन्दी रहेका बोहरा जिल्ला प्रहरी कार्यालय अछाममा कार्यरत थिए।
प्रतिक्रिया दिनुहोस्
सम्पर्क
Shantinagar, Kathmandu, Nepal
फोन : +977-1-4790040/+977-1-4790242
इमेल : nepalsamayanews@gmail.com
फोन : +977-1-4790040/+977-1-4790242
इमेल : nepalsamayanews@gmail.com