रामेछापको पहिरोमा ६ जनाको शव भेटियो, ४ जना बेपत्ता

रामेछापको दोरम्बा शैलुङ ३ लेखर्कवस्तीमा गएको पहिरोमा ६ जनाको मृत्यु भएको छ।

मृत्यु हुनेमा ३० वर्षीया चण्डिका श्रेष्ठ र उनका २ वर्षका छोरा आयुष रहेको प्रहरीले जनाको छ। 

मृतक अन्य ४ जनाको पहिचान खुल्न सकेको छैन। पहिरोमा परी ४ जना अझै बेपत्ता छन्।

पहिरोले ४ वटा घर बगाएको थियो। एउटा पक्की पुल पनि बगाएको छ। घटनास्थलमा नेपाली सेना, नेपाल प्रहरी र सशस्त्रको टोली खटिएको छ।