रामेछापमा पहिरो जाँदा दुई जनाको मृत्यु आठ बेपत्ता

रामेछापको दोरम्बा शैलुङ गाउँपालिका वडा नम्बर ३ लेखर्कमा पहरोले पुरिँदा २ जनाको मृत्यु भएको छ भने ८ जनाको अवस्था अज्ञात छ।

शनिबार रातिदेखि परेको अविरल वर्षापछि वडा नम्बर २ र ३ को सीमा क्षेत्र भएर पहिरो खसेको र तीनवटा घर बगाएको प्रहरीले जनाएको छ। घटनस्थलमा सुरक्षाकर्मी परिचालन भइसकेका छन्।

अविरल वर्षाले वडा नम्बर २ र ३ को सीमा क्षेत्रमा पर्ने पक्की पुल पनि बगाएको स्थानीयले बताएका छन्।