च्याम्पियन्स लिग ‘ड्र’ : कसको प्रतिद्वन्द्वी को ?

एजेन्सी- युइएफए च्याम्पियन्स लिग फुटबलको अन्तिम १६ को ‘ड्र’ सार्वजनीक भएको छ । युरोपियन फुटबल एसोसिएसन (युइएफए)ले सोमबार अन्तिम १६ को ‘ड्र’ सार्वजनिक गरेको हो ।

यस सार्वजनिक ‘ड्र’मा केही ठुला टोलीले प्रतिस्पर्धा गर्दै छन् । जहाँ अन्तिम १६ मा म्यान्चेस्टर युनाइटेड र पेरिस सेन्ट जर्मेन, लिभरपुल र बायर्न म्युनिख तथा युभेन्ट्स र एट्लेटिको मड्रिडको खेललाई निकै महत्वको साथ हेर्न सकिन्छ ।

‘ड्र’ अनुसार इङ्लिस क्लब म्यान्चेष्टर युनाईटेडले फ्रान्सेली क्लब पेरिस सेन्ट जर्मेन पीएसजीलाई प्रतिद्वन्दीको रुपमा पाउदा यो खेल दर्शकका लागि पनि निकै नै रोमाञ्चक हुने अनुमान गरिन्छ । त्यस्तै इङ्लिस क्लब लिभरपुलले जर्मन क्लब वायर्न म्युनिखलाई प्रतिद्वन्दी पाएको छ ।

अर्को खेल इटालियन क्लब युभेन्ट्सले स्पेनिस क्लब एट्लेटिको मड्रिडसँग अन्तिम १६ को भेट पक्का गरेको छ । स्पेनिस क्लब बार्सिलोनाले फ्रान्सको लियोनलाई प्रतिद्वन्दी पाउँदा साबिकको विजेता रियल मड्रिडले डच क्लब आयाक्ससँग खेल्ने छ ।

अन्तिम १६ को पहिलो लिग फेब्रुअरी १२ र १३ मा हुनेछ  । यस्तै दोस्रो लिग १९ र २० फेब्रुअरीमा हुनेछ । अन्तिम आठको खेल मार्चमा हुनेछ ।