जनकपुरमा पेस्तोल देखाएर सहकारीको ८० लाख लुटियो

काठमाडौं- हतियारधारीले जनकपुरधामबाट सहकारी संस्थाका एक कर्मचारीबाट ८० लाख रुपैयाँ लुटेका छन्।

शुभश्री बचत तथा ऋण सहकारीका कर्मचारी वीरेन्द्रकुमार महतोलाई पेस्तोल देखाएर ८० लाख लुटिएको प्रहरीले जनाएको छ।

मोटरसाइकलमा आएका दुई जना हतियारधारीले जनकपुरधाम उपमहानगरपालिका-१९ बाट आफ्नो साथमा भएको रकम लुटेको महतोले बताएका छन्।

महतो बैंकबाट रकम निकालेर सहकारीतर्फ जाँदै थिए। घटनाका विषयमा अनुसन्धान भइरहेको धनुषा प्रहरीले जनाएको छ।