एक सय रुपैयाँको नोटमा चुच्चे नक्सा राखिने

काठमाडौं- सरकारले एक सय रुपैयाँको नोटमा चुच्चे नक्सा राख्ने भएको छ।

बिहीबार बसेको मन्त्रिपरिषद् बैठकले सय रुपैयाँको नोटमा चुच्चे नक्सा राख्ने निर्णय गरेको  सञ्चार तथा सूचना प्रविधि मन्त्री तथा सरकारका प्रवक्ता रेखा शर्माले जानकारी दिइन्।

उनले भनिन्,‘सय रुपैयाँको डिजाइन परिवर्तन गर्ने निर्णय भएको छ। पुरानो नक्साको ठाउँमा अब चुच्चे नक्सा प्रयोगमा ल्याइनेछ।’

सरकारले २०७७ जेठ ७ गते लिम्पियाधुरा, कालापानी र लिपुलेक समेटिएको नेपालको नयाँ सार्वजनिक गरेको थियो।