सोमबार, पुस १४, २०८२
करेन्ट लागेर दाङमा एकै परिवारका तीन जनाको मृत्यु
दाङमा शनिबार करेन्ट लागेर एकै घरका तीन जनाको मृत्यु भएको छ।
राप्ती गाउँपालिका–३ मसुरियास्थित विद्युतको तार चुँडिएर करेन्ट लाग्दा एकै घरका तीन जनाको मृत्यु भएको इलाका प्रहरी कार्यालय भालुवाङले जनाएको छ।
दुई जनाको घटनास्थलमा र एक जनाको उपचारको क्रममा मृत्यु भएको हो। स्थानीय ५५ वर्षीय दिलसरा केसी र उनका ४ वर्षीय नाति ईश्वर केसीको घटनास्थलमा मृत्यु भएको र ६० वर्षीय हजुरबुवा गोरखबहादुर केसीको बुटवलमा उपचारको क्रममा मृत्यु भएको हो।
हजुरआमा र नाति घरको आँगनमा उभिएको अवस्थामा करेन्ट लागेर मृत्यु भएको प्रहरीले जनाएको छ। एक्कासि बिजुलीको तार चुँडिएर घरको आँगनमा पुग्दा करेन्ट लागेको थियो। विद्युत प्राधिकरणको ११ केभीएको हाइटेन्सन लाइनको तार चुँडिएर करेन्ट लागेको बताइएको छ।
प्रतिक्रिया दिनुहोस्
सम्पर्क
Shantinagar, Kathmandu, Nepal
फोन : +977-1-4790040/+977-1-4790242
इमेल : nepalsamayanews@gmail.com
फोन : +977-1-4790040/+977-1-4790242
इमेल : nepalsamayanews@gmail.com