प्रतिनिधि सभा र प्रदेश सभाको उम्मेदवार बन्‍न स्‍नातक उतीर्ण र उमेर ६५ वर्ष ननाघेको हुनुपर्ने

काठमाडौं- निर्वाचन आयोगले प्रतिनिधिसभा र प्रदेशसभा सदस्यको उमेदवार बन्‍नका लागि स्‍नातक उतीर्ण हुनुपर्ने र उमेर ६५ वर्ष नघाघेको व्यक्ति उमेदवार बन्न पाउने कानुनमै व्यवस्था गर्नुपर्ने सुझाव पेश गरेको छ। 

आयोगले राष्ट्रपति रामचन्द्र पौडेललाई बुझाइएको १७औँ वार्षिक प्रतिवेदनमा प्रतिनिधि सभा र प्रदेश सभा सदस्यको उम्मेदवार बन्‍नका लागि शैक्षिक योग्यता कम्तीमा स्‍नातक उतीर्ण गरेको हुनुपर्ने र ६५ वर्ष ननाघेको हुनुपर्ने सुझाव दिएको छ। 

त्यसैगरी आयोगले उम्मेदवारी दर्ता अनलाइनमार्फत गर्नुपर्ने सुझाव आएको जनाएको छ। आयोगले निर्वाचनको बेलामा भएका कार्यशालामा आएका सुझावलाई प्रतिवेदनमा समेटेको छ । जसमा राजनीतिक दल र उमेदवारबीच सद्भावको अभाव औंल्याएको छ । कम्तीमा स्नातक उत्तीर्ण गरेको र ६५ वर्ष नघाघेको व्यक्ति उमेदवार बन्न पाउने कानुनमै व्यवस्था गर्नुपर्ने सुझाव आएको उल्लेख छ। 

प्रदेशसभा र प्रतिनिधिसभाको समानुपातिकतर्फ कम्तीमा ०.५ प्रतिशत र प्रत्यक्षतर्फ कुल सदस्यको १० प्रतिशत उमेदवार नदिने राजनीतिक दलको दर्ता खारेजी गर्नुपर्ने सुझाव प्रतिवेदनमा उल्लेख छ।