काठमाडौंको नागढुंगाबाट अवैध सुनसहित ३ जना पक्राउ परेका छन्। काठमाडौं उपत्यका अपराध अनुसन्धान कार्यालयका अनुसार उनीहरूबाट करिब दुई किलो सुन बरामद भएको छ।
रसुवाबाट काठमाडौं आइरहेको गाडी नागढुंगामा चेक गर्दा समातिएको हो। आज बिहानमात्रै त्रिभुवन विमानस्थलबाट १४ किलो सुनसहित दुई जना समातिएका थिए।
फ्लाई दुबईको उडान नम्बर एफजेड– ५७३ बाट काठमाडौं उत्रेका घलेलाई विमानस्थल भन्सारले पक्राउ गरेको थियो। चन्द्र घलेसँगै गोरखाका मीनबहादुर घले पनि पक्राउ परेका छन्।