लियो क्लब काठमाडौंले जाजरकोटका भूकम्पपीडितका लागि राहत संकलन गर्ने

काठमाडौं- जाजरकोटमा गएको विनाशकारी भूकम्पका पीडितहरुलाई सहयोग गर्नका लागि लियो क्लब काठमाडौंले राहत उपलब्ध गराउनका लागि 'फन्ड रेजिङ प्रोग्राम' आयोजना गरेको छ। 

लियो क्लब काठमाडौंले शनिबार बिहान ११ बजेपछि देउसी भैलो खेलेर जाजरकोटका भूकम्पपीडितका लागि राहत संकलन गर्ने जनाएको हो। 

देउसी भैलोबाट संकलन गरिएको रकम जाजरकोट र रुकुमपश्‍चिमका भूकम्प पीडितलाई पठाइने जनाइएको छ। जाजरकोटमा गएको भूकम्पमा १५३ जनाको मृत्यु भएको थियो भने २०० भन्दा बढी घाइते भएका थिए। त्यसैगरी हजारौं मानिसहरु घरबारविहीन भएका छन्।