एसियाडमा नेपालको निराशाजनक सुरुवात

चीनको हाङ्झाउमा जारी १९औं एसियाली खेलकुदमा नेपालको सुरुवात निराशाजनक भएको छ। सुटिङको १० मिटर महिला एयर राइफल्समा श्लिसा भण्डारी ४७औं र सुशील नेपाल सुस्मिता भण्डारी ५८औं स्थानमा रहे। यो इभेन्टमा ५९ खेलाडी सहभागी थिए।

इस्पोर्ट्अन्तर्गत इफुटबलमा नेपालका समीर गुरुङ मकाउका खेलाडीसँग २-१ ले पराजित भए। तेक्वान्दोको पुम्सेमा नेपालकी स्वस्तिका तामाङ अन्तिम १६ को खेलमा सिंगापुरकी खेलाडीसँग पछि पारिन्। पुरुषतर्फ भने प्रेमबहादुर लिम्बूभने फिलिपिन्सका खेलाडीसँग अन्तिम ८ मा पराजित भए। त्यसअघि उनले अन्तिम १६ मा पाकिस्तानका खेलाडी पराजित गरेका थिए।

जुडोको अन्तिम १६ मा तुर्कमिनिस्तानका खेलाडीसँग पराजित भए। यस्तै देवकी श्रेष्ठ पनि मंगोलियाको खेलाडीसँग र इन्द्र श्रेष्ठ हङकङका खेलाडीसँग पराजित भए।

आयोजक चीनले पहिलो स्वर्ण जित्न सफल भएको छ। चीनले आइतबार रोइङबाट पहिलो स्वर्ण भित्र्याएको हो। चीनका जु जियाकी र किउ सिउपिङले लाइटवेट महिला डबल्स स्कल्सको उपाधि जितेका हुन्।

चीनले आइतबार बिहानी सत्रमा १० स्वर्ण पदक भित्र्याइसकेको छ। चीनले रोइङबाटै ६ स्वर्ण भित्र्याएको छ।

कोभिड-१९ का कारण एक वर्ष ढिलो भएको पूर्वी चीनको हाङ्झाउ सहरमा जारी खेलकुदमा ४५ राष्ट्रका करिब १२,४०० खेलाडीहरूले ४० खेलमा ४८१ स्वर्ण पदकका लागि प्रतिस्पर्धा गरिरहेका छन्।