बिहीबार, माघ २२, २०८२
एसीसी यू–१६ इस्ट जोनकपः नेपालले दियो मलेसियालाई २५३ रनको लक्ष्य
टस जितेर पहिलो ब्याटिङको निर्णय लिएको नेपालले निर्धारित ओभरमा ८ विकेट गुमाएर २५२ रन बनाएको छ।
काठमाडौं– नेपालले एसीसी पुरुष यू–१६ इस्ट जोनकप क्रिकेट प्रतियोगिताको फाइनलमा आयोजक मलेसियालाई २५३ रनको लक्ष्य दिएको छ। टस जितेर पहिलो ब्याटिङको निर्णय लिएको नेपालले निर्धारित ओभरमा ८ विकेट गुमाएर २५२ रन बनाएको छ। नेपालका लागि नरेन भट्टले अविजित ११२ रनको योगदान गरे ।
तेस्रो नम्बरमा क्रिज सम्हाल्न मैदान छिरेका नरेनले केवल ८९ बलको सामना गरी २ छक्का र १० चौका हिर्काए। निरजकुमार यादवले पनि ४७ रन बनाए। ओपनर ब्याट्सम्यान नीरजले ४९ बलको सामना गरी ६ चौका हिर्काए।
मलेसियाका बलर मुहम्मद अक्रमले ३ विकेट लिए। नेपालले सोमबारको सेमिफाइनल खेलमा सिंगापुरलाई ९७ रनको फराकिलो अन्तरले हराउँदै फाइनलमा स्थान पक्का गरेको थियो।
आयोजक मलेसियाले अर्को सेमिफाइनल खेलमा हङकङलाई ७८ रनले पराजित गर्दै फाइनल पुगेको हो। यसअघि नेपालले थाइल्यान्डलाई २२५ रनले हराएको थियो।
प्रतिक्रिया दिनुहोस्
सम्पर्क
Shantinagar, Kathmandu, Nepal
फोन : +977-1-4790040/+977-1-4790242
इमेल : nepalsamayanews@gmail.com
फोन : +977-1-4790040/+977-1-4790242
इमेल : nepalsamayanews@gmail.com