भारतले बनायो १०० घण्टामा १०० किलोमिटर ६ लेन सडक

काठमाडौं- भारतमा सय घण्टामा सय किलोमिटर बाटो निर्माण भएको छ। भारतका केन्द्रीय सडक यातायात मन्त्री नितिन गडकरीलाई उद्धृत गर्दै द हिन्दूस्तान टाइम्सले जनाएअनुसार गाजियाबाद-अलिगढ एक्सप्रेस वे यो रफ्तारमा निर्माण भएको हो। यो सडकले ‌उत्तर प्रदेशका औद्योगिक क्षेत्रहरु, कृषि क्षेत्र, शैक्षिक संस्थाहरु आदिलाई जोड्छ।

यो सडक गाजियाबाद अलिगढ एक्सप्रेस वे प्रालिले निर्माण गरेको हो। यो काममा २०० रोडरोलर करिब दुई हजार मजदुर खटेका थिए। ६ लेन हाइवेको यो उपलब्धिलाई लिएर भारतीय प्रधानमन्त्री नरेन्द्र मोदीले खुसी व्यक्त गरेका छन्। 

हिन्दूस्तान टाइम्सका अनुसार सडक निर्माणको यो उपलब्धि विश्व रेकर्ड हो। यसअघि सय घण्टामा ७५ किमी पिच भएको रेकर्ड थियो। 

Proud moment for the entire nation!

The Ghaziabad-Aligarh Expressway has made history by achieving a remarkable feat: the laying of Bituminous Concrete over a distance of 100 lane kilometers in an unprecedented time of 100 hours. This accomplishment highlights the dedication and… pic.twitter.com/YMZrttGELE

— Nitin Gadkari (@nitin_gadkari) May 19, 2023