संसद्‍मा नीति तथा कार्यक्रममाथि छलफल सुरु [LIVE]

काठमाडौं- सरकारको तर्फबाट राष्ट्रपति रामचन्द्र पौडेलले अस्ति शुक्रबार स‌ंसद्‍मा प्रस्तुत गरेको नीति तथा कार्यक्रममाथि आजदेखि छलफल सुरु भएको छ।

प्रधानमन्त्री पुष्पकमल दाहालले राष्ट्रपति पौडेलले संघीय संसद्को संयुक्त बैठकमा वाचन गरेको सरकारको नीति तथा कार्यक्रममाथि छलफलका लागि प्रस्ताव पेस गरेपछि छलफल सुरु भएको हो। 

नीति तथा कार्यक्रमबारेको छलफलमा प्रमुख विपक्षी दल नेकपा एमाले कडाइका साथ प्रस्तुत हुने भएको छ। शनिबार एमाले अध्यक्ष केपी ओलीले आफ्ना सांसदलाई नीति तथा कार्यक्रममा पार्टीका धारणा कडाइका साथ प्रस्तुत गर्न निर्देशन दिएका छन्।