बेनी-जोमसोम सडक अवरुद्ध

बेनी-जोमसोम सडक खण्ड आइतबार बिहानैदेखि अवरुद्ध भएको छ। राति परेको वर्षाका कारण राष्ट्रिय राजमार्गको म्याग्दी खण्डमा पहिरो जाँदा सडक अवरुद्ध बनेको हो।

अविरल वर्षाले म्याग्दीको अन्नपूर्ण गाउँपालिका-३ स्थित गोइठेदेखि जलथले खोलासम्मको सडक पहिरोले अवरुद्ध बनेको छ। साँझसम्ममा सडक सूचारु हुने बताइएको छ।

बेनी-जोमसोम सडक अवरुद्ध भएसँगै मुस्ताङबाट पोखरा-काठमाडौं जाँदै गरेका र पोखराबाट मुस्ताङ जाँदै गरेका यात्रुवाहक सवारीसाधन गन्तब्यमा पुग्न सकेका छैनन्।