आईपीएलमा गुजरात प्लेअफका लागि छनोट

भारतीय ओपनर शुभमन गिलको पहिलो आईपीएल शतकको मद्दतले गुजरात टाइटन्सले सनराइज हैदरावादलाई ३४ रनले हराएको छ। यो जितसँगै डिफेन्डिङ च्याम्पियन गुजरात प्लेअफका लागि छनोट भएको छ।

गिलले ५८ बलमा १ सय १ रन बनाए र उनले साई सुदर्शनसँग १ सय ४७ रनको साझेदारी गरे। साइले ४७ रन बनाए र टिमले ९ विकेटमा १ सय ८८ रन बनायो।

लिग तालिकाको शीर्ष स्थानमा रहेको गुजरातका लागि मोहम्मद सामी र मोहित शर्माले चार-चार विकेट लिए। हैदरावादले नौ विकेटमा १ सय ५४ रन मात्र बनाउन सक्यो।

यो जितपछि गुजरात प्लेअफमा प्रवेश गर्ने पहिलो टिम बनेको छ। गत वर्ष डेब्यु सिजन नै उपाधि जितेको गुजरात शीर्ष दुई स्थानमा रहने पनि निश्चित भएको छ। सन् २०१६ को च्याम्पियन हैदरावादको भने प्लेअफको सम्भावना समाप्त भएको छ ।