मंगलबार, असार ११, २०८१

himalayan bankhimalayan bank

चैतमा मुना पलाएपछि सुरु भयो इलाममा चियापत्ती टिपाइ

 |  सोमबार, चैत ६, २०७९

नेपाल समय

नेपाल समय

सोमबार, चैत ६, २०७९

काठमाडौं- इलाममा सिजनको पहिलो हरियो चियापत्तीको टिपाइ सुरु भएको छ। गत कात्तिकदेखि बन्द भएको चियाको उत्पादन चैतमा मुना पलाएपछि टिपाइ सुरु भएको हो।

triton college

चियाको पहिलो टिपाइलाई ‘फस्ट प्लग’ भन्ने गरिन्छ। पहिलो टिपाइबाट तयार हुने चिया उच्च गुणस्तरको हुने भएकाले महँगो मूल्यमा बिक्री हुन्छ।

चिया किसानले हरियो पत्तीको मूल्यसमेत बढी पाउने गरेका छन्। यस सिजनको चियामा पानीको मात्रा कम हुने गरेकाले पनि यसलाई राम्रो चियाको रुपमा लिने गरिन्छ।

जिल्लाको तल्लो क्षेत्रमा चियाको टिपाइ सुरु भए पनि माथिल्लो र उच्च क्षेत्रमा भर्खरै मुना पलाउन सुरु भएको छ। इलाममा हरियोपत्तीको टिपाइ अर्थात् फस्ट प्लग चैत लागेसँगै सुरु हुन्छ।

इलामलगायत पूर्वका ११ हजार पाँच सय ६९ हेक्टरमा चिया खेती भइरहेको छ। कुल १४ हजार आठ सय ९८ साना किसान चिया खेतीमा संलग्न छन्। हाल यस क्षेत्रमा एक करोड ८२ लाख केजी सिटिसी तथा ४९ लाख केजी अर्थोडक्स चिया उत्पादन भइरहेको छ।

Metro Mart

प्रकाशित: Mar 20, 2023| 20:46 सोमबार, चैत ६, २०७९
corrent noodlescorrent noodles
प्रतिक्रिया दिनुहोस्