जापानले बनायो जुत्ताको गन्ध हटाउने 'डिभाइस'  

जापान- जापानले जुत्ताको दुर्गन्ध हटाउने एक 'डिभाइस' बनाएको छ। हरेक कुरालार्इ टक्नोलोजीको माध्यमबाट सम्भव बनाउने जापानले यस्तो डिभाइस बनाएको हो। 

जुत्ता गन्हाउने समस्याबाट छुटकारा पाउन प्यानासोनिक कम्पनीको एमएस- डि १०० नामक डिभाइस बनाएको छ। यस डिभाइसलार्इ पाँच घण्टासम्म जुत्ताभित्र छोड्नुपर्दछ। 

यो डिभाइस सानो भ्याकुम क्लिीनर जस्तो देखिन्छ। यो डीभाइस २० सेप्टेम्बरदेखि जापानमा उपलब्ध हुने कम्पनीले जनाएको छ। यसको प्रयोगका लागि जुत्तामा टोपी लगाए जसरी लगाउनुपर्छ। 

कम्पनीका अनुसार एक पटक चार्ज गर्दा मेशिन तीन चार पटकसम्म यसको प्रयोग गर्न सकिन्छ। यस मेशिनले जुत्तामा भएको जनसुकै दुर्गन्ध पनि हटाउनसक्छ।

मेशिनलाई दुई मोडमा लगाउन सकिन्छ। जुत्ता धेरै नै गन्हाउने अवस्थामा छ भने मेशिनलाई सात घण्टाको टाइमिङ मिलाएर राख्न सकिन्छ।

मेशिनको मुल्य भने अहिले निर्धारण गरिएको छैन र कम्पनीले सुरुवातमा हरेक महिना १००० पीस बनाउने गरेको छ।