मंगलग्रहमा पनि भेटियो पानी

एजेन्सी–पृथ्वी बाहेकका ग्रहमा पनि मानववस्तीको सम्भावना खोज्दै अनुसन्धानमा जुटेका वैज्ञानिकहरुले नयाँ खोज र अनुसन्धान सार्वजनिक गर्दै आएका छन् । 

पछिल्लो समय इटालियन वैज्ञानिक रोबार्ट ओरोसीले पनि लामो समयको अध्ययन र अनुसन्धानपछि मंगलग्रहमा पानी रहेको तथ्य सार्वजनिक गरेका छन् ।
 
बोलोग्नाको इन्टिच्युट नाजिओनाले डी एस्ट्रोफिसिका मार्फत गरेको अनुसन्धानका क्रममा अनुसन्धानकर्ता ओरोसी र उनका साथीहरुको टोलीले मंगलग्रहमा पानीको तलाउ भेटिएको पुष्टि गरेको हो ।

मंगल ग्रहको दक्षिणी ध्रुवमा आईसको २० किलोमिटरमा फैलिएको बरफको यो तलाउ एक किलोमिटर गहिरो छ । 

सन् २०१२ देखि सन् २०१५ सम्म मंगलग्रहका बारेमा गरेको अध्ययन र खोज अनुसार यो कुरा पत्ता लागेको वैज्ञानिक ओरोसीको टोलीले जनाएको छ । मानववस्तीको विकासका लागि आवश्यक विशेषता नभएपनि पानीको सतहदेखिनुले यसलाई महत्वका साथ हेरिएको वैज्ञानिकहरको भनाई छ । 

पानी कहिलेदेखि जम्मा भएको थियो भन्ने बारेमा भने यकिन तथ्य आउन बाँकी रहेको छ । यस अघि मंगलग्रहमा पानी छ भन्ने अनुमान गरिएपनि ठूलोमात्रामा पानी रहेको पत्ता लागेको यो नै पहिलो हो ।
 
बरफका रुपमा रहेको पानी निक्कै नुनिलो भएको पनि टोलीले जनाएको छ ।