मोबाइल बचाउन आयो एयर ब्याग (भिडियोसहित)

काठमाडौं–राम्रो मोबाइल बोक्ने सबैको रहर हुन्छ । तर, जोगाउन धौधौ पर्छ । खल्तीबाट झर्नेमात्र होइन । चलाउँदाचलाउँदै पनि हातबाट चिप्लिएर झर्न सकछ । मोबाइल भूइमा खस्दा आउने 'झर्‍याम्म' आवाजले हामीमा कम्पन ल्याउँछ । 

मनमा अनेक कुरा खेल्छन्, डिस्प्ले गयो कि, स्क्रिन फुट्यो कि अब काम नलाग्ने हो कि भन्ने अनेकन तर्कना हाम्रो मानसपटलमा दौडिन्छन् । 

यस्तै समस्यामा रहेका जर्मनका एक व्यक्तिले सबैलाई उपयोगी हुने सामग्री बनाए । इन्जिनियरिङगका विद्यार्थी फिलिप फ्रेन्लिनलाई आईफोन चलाउँदा चलाउँदै गर्दा उनको हातबाट चिप्लियो । उनले बोकेको आइफोन नराम्ररी बिग्रियो । उनले स्किन बनाए पनि मोबाइल बन्न सकेन । 

फिट गरे तर, उक्त फोन बन्न सकेन । अनि उनको दिमागमा मोबाइल एयर ब्यागको उपाय फुर्र्‍यो । 

भिडियो हेर्नुहोस्

के हो मोबाइल एयर ब्याग ?

मोबाइल एयर ब्याग एक यस्तो उपकरण हो जसले हाम्रो मोबाइल खस्दा टेको टेकाए जस्तै चारै कुनाबाट सिङ निस्कन्छ । 'एक्टिभ ड्याम्पिङग' नामको यस केसलाई 'एडी केस' पनि भनिन्छ ।

यसमा, 'फ्रि फल सेन्सर' चिप्स हुन्छ जसले मोबाइल चिप्लेर खस्न लागेको सेन्सरले थाहा पाउँछ । मोबाइल भूईमा खस्नु अघि नै यसले मोबाइललाई टेको लगाएर बचाउँछ । 

फ्रेनजेललाई यसको लागि जर्मन सोसाइटी फर मेचाट्रनिक्सको उपाधि फिलिप फ्रेन्जेलले दिइएको थियो । 

अब भने फिलिप उनको यस अन्वेशनलाई विजनेसमा परिणत गर्ने तरखरमा छन् । उनको यस नयाँ आविष्कारले अन्य उपाधिको दावी गर्ने मानिएको छ । अहिलेसम्म मूल्य नतोकिएको भए पनि जुलाई भित्र यो एडी केस सर्वसाधारणको माझमा आउने अनुमान छ । 

एडी केसको अफिसियल वेवसाइट पनि तयार भसकेको छ । यस केस हालको लागि भने आईफोन सिक्स र सिक्स प्लसदेखि अहिलेसम्म सार्वजनिक भएका नयाँ मोडलमा मात्र हुनेछ ।