अमेरिकी युवा फेसबुकमा भन्दा युट्युवमा बढी आकर्षित

विश्व समुदाय अहिले सामाजि सञ्जालमा जोडिएको छ । नेपाललगायतका देशमा सामाजिक सञ्जालभन्ने वित्तिकै फेसबुक बुझिन्छ । हुन पनि सामाजिक सञ्जालमा जोडिने मानिसका लागि एक छत्र बनेको फेसबुकको रोजाइ विस्तारै घट्दै गएको अनुसन्धानहरुले देखिएको छ । 

अहिले युवा पुस्ताहरु फेसबुकको सट्टा अर्को सामाजिक सञ्जाल युट्युवमा सक्रिय हुन थालेका छन् । ‘द प्यु रिसर्च सेन्टर’को अनुसन्धान अनुसार १३ देखि १७ वर्षका युवाहरुको रोजाई फेसबुकको तुलनामा युट्युब बढी छ । अमेरिकामा गरिएको अध्ययनमा ८५ प्रतिशत युवाले युट्युव हेर्दा ५१ प्रतिशत युवामात्र फेसबुकमा रमाएको पाइएको छ । यो तथ्यांक जुन २०१५ को तुलनामा २० प्रतिशत कम हो । 

कुनै समयमा सबैभन्दा वढि प्रयोग गरिने ट्वीटरको महत्वपनि क्रमशः घट्दै गएको पाइएको छ । अहिले ३२ प्रतिशत युवाले मात्र ट्वीटर चलाउने गरेको पाइएको छ । 
अनसन्धानमा भाग लिने १० प्रतिशत युवालेमात्र अन्य सामाजिक सञ्जालको तुलनामा फेसबुक बढी प्रयोग गर्ने गरेको प्रतिक्रिया दिएका छन् । 



क्यालिर्फोनयिामा अवस्थित मार्क जुकरबर्गको फेसबुक र इन्स्टाग्राम दुबै कम्पनीको राम्रो बिजनेस चलेको छ । यसैगरी युट्यूब र ट्वीट्रहरु पनि गुगलका कारण युवाहरुमाझ लोकप्रिय  छ ।

सर्वेक्षण अनुसार ३ वर्ष अगाडी ७३ प्रतिशत अमेरिकी युवाहरुले स्मार्टफोनको प्रयोग गरेको थिए । अहिले त्यो संख्या बढेर ९५ प्रतिशत पुगेको छ । 

सर्वेक्षणमा सहभागी भएका मध्ये २४ प्रतिशतले सामाजिक सञ्जालको प्रयोगले नकारात्मक असर पर्ने बताएका छन् भने ३१ प्रतिशतले सकारात्मक प्रभाव पार्ने टिप्पणी गरेका छन् । तर, ४५ प्रतिशतले भने सकारात्मक र नकारात्मक दुवै प्रतिक्रिया दिएका छन् । 

एक १५ वर्षकी किशोरीले मानिसको शत्रुको रुपमा रहेको एक्लोपनालाई हटाउन र आफैंमा खुसी हुन समाजिक सञ्जालको प्रयोग गर्ने गरेको बताएकी छन् ।