स्टारसिपले मानिसलाई चन्द्र धरातलमा अवतरण गराउला त?

काठमाडौं– अन्तरिक्ष यान (रकेट) निर्माता कम्पनी स्पेस एक्सले बुधबार अन्तरिक्ष यान स्टारसिपको उडान परीक्षण गरेको छ। सन्  २०२४ मा चन्द्रमामा मानिसलाई लिएर जान सक्ने यान तयार पार्ने ठेक्का लिएको स्पेस एक्सले बुधबार स्टरसिपको उडान परीक्षण गरेको हो।

स्पेस एक्पोलेरेसन टेक्नोलोजी कर्पोरेसनले अमेरिकाको टेक्सासमा निर्माण गरेको यान पृथ्वीबाट छ माइल माथिसम्म परीक्षण गरिएको थियो। एसएन १५ नामक विमान स्पेसएक्सको प्रोटोटाइपको सफतापूर्वक ल्यान्डिङ भएको पाँचौं रकेटसमेत हो। यो सबै प्रक्रिया सफलतापूर्वक सम्पन्न भएको पहिलो यान पनि हो। स्पेसएक्सका सीईओ एलन मस्कले ट्विट गर्दै स्पेसएक्सको ल्यान्डिङ सफल भएको जानकारी दिएका छन्।

स्पेस एक्सले पहिलेका चारवटा यान ल्यान्ड गराइसकेपछिको पाँचौं प्रयास पनि सफल भएको हो। यसअघिका सबै मिसन एक्सप्लोजनबाट अन्त्य भएका थिए। मस्कले अहिले तयार गरिँदै गरेको यान भने एक दिन मंगल ग्रहमा मानिस लिएर जाने प्रयोजनका लागि बनाएको दाबी गरेका छन्।

इस्पेसएस्का अनुसार यानमा केही नयाँ अवरधारणा ल्याइएका छन्। यानमा हार्डवेयर, सञ्चार र नेभिगेसन प्रणालीमा सुधार गरिएकाे छ। यसमा धेरै ठूलो इन्जिन प्रयोग गरिएको छ। जसलाई रेप्टर इन्जिन भनिन्छ।

तर स्पेसएक्सले अलिहेसम्म उसले भनेजस्तो सुपर हेबी रकेटको भने परीक्षण गरेको छैन्। तर मस्कले आउँदो एक वर्षमा यस्तो रकेटको परीक्षण गर्ने बताएका छन्। त्यसैले स्पेसएक्सले अहिले 'मोडिफाइड भर्जन' को विमान बनाउन लागेको छ। यसले नासाको मुन प्रोजेक्टलाई पनि सघाउ पुग्ने बताइएको छ।

कार्यक्रमका लागि उसले केही समयअघि नासासँग सम्झौता गरिसकेको छ। यो सम्झौता सफल भएमा अबको केही वर्षमै २१ औं शताब्दीमा पहिलोपटक मानिस चन्द्रमा पुग्नेछन्। २० औं शताब्दीमा एपोलो कार्यक्रमबाट १२ जना मानिस चन्द्रमाको सतहमा अवतरण गरेका थिए।