नासाले उडायो मंगल ग्रहमा हेलिकोप्टर

एजेन्सी- अमेरिकी अन्तरीक्ष केन्द्र नासा मंगल ग्रहमा एउटा सानो हेलिकोप्टर उडाउन सफल भएको छ।

‘प्रतिभा’ नाम दिइएको मानवरहित हेलिकोप्टर मंगल ग्रहमा उडाउन सफल भएपछि नासाको मुख्यालयमा खुसीयाली मनाइएको थियो। हेलिकोप्टर मंगल ग्रहमा एक मिनेटभन्दा कम समय उडेको थियो। एउटा ग्रहबाट अर्को ग्रहमा उडाउन सफल भएको यो पहिलो ‘एयरक्राफ्ट’ हो।

मंगल ग्रहमा हेलिकोप्टर उडाउन सफल भएको यो तथ्य पृथ्वीमा एउटा उपग्रहले पठाएको थियो।
नासाले यो प्रोजेक्ट सफल भएसँगै मंगल ग्रहमा अन्य एयरक्राफ्टको पनि उडान परीक्षण गर्ने योजना बनाइसकेको छ।
‘प्रतिभा’ नाम दिइएको हेलिकोप्टरले सफल उडान गरेपछि नासाका इन्जिनियरले अब यो हेलिकोप्टरलाई अझै लामो समयको उडानका लागि प्रयोग गर्नेछन्।

नासाको पासाडेनास्थित हेलिकोप्टर प्रयोगशालाका परियोजना प्रमुख मिमि आङले भनेका छन्, ‘हाम अब यो भन्न सक्छौँ कि हामीले एउटा ग्रहबाट अर्को ग्रहमा एयरक्राफ्टको उडान भर्न सफल भएका छौँ।

नासाले मंगलग्रहमा पठाएको प्रिजर्भेन्स रोवरमा यो हेलिकोप्टर पठाएको थियो। मंगलग्रहमा पानी र जीवनको अस्तित्व तथा सम्भावनाबारे अध्ययनका लागि नासाले प्रिजर्भेन्स रोवर मंगल ग्रहमा पठाएको हो।