नयाँ प्रविधिः टाइप गर्न किबोर्ड थिच्नै नपर्ने 

के तपाईहरू स्क्रिन वा किबोर्डमा टाइप गर्दा वाक्क दिक्क हुनु भएको छ ? तपाईंलाई किबोर्ड  तथा मोबाइलमा हुने स्क्रिन 'टच' चलाउन दिक्क लाग्छ ?  मानवका अभिन्न मित्र बनेका यी प्रविधिले तपाईंलाई हैरान बनाएका बेला यसको विकल्प आएको छ । तपाईं अब टाइप गर्नुपर्ने झन्झटबाट मुक्त हुनुहुने छ । 

यो सेवा लिएर आएको छ, 'ह्वाइल ट्याप सिस्टम' कम्पनीले । यो कम्पनीले ल्याएको उपकरण हो 'ट्याप स्ट्रर्‍याप' । जसको प्रयोगले अक्षर लेख्न तपाईंका औंला दौडाउनु पर्ने छैन् । 

यस उपकरण मार्फत 'टाइप' केवल 'ट्याप'बाट नै आफ्ना भावना अभिव्यक्ति गर्न सकिनेछ । 'ब्लु टुथ कनेक्टिभिटी'को सहयतामा चल्ने यस उपकरण औंलामा लगाए पछि खुट्टा, जमिन स्वयमं हातका पाखुरा, टेबल जस्ता जुनै प्रकारको सतहमा 'ट्याप' गर्न मिल्ने छ । 

'ह्वाइल ट्याप स्सिटम ' कम्पनीले यसको उपकरणको 'मेकानिजम' अहिले सम्म बाहिर उल्लेख गरेको छैन । तर, 'बुमबर्ग' एक अमेरिकी निजी प्राविधिक सफ्र्टवेर सम्बन्धी मिडियाको रिपोर्ट अनुसार हरेक औलाको 'ट्याप' मा  विभिन्न प्रकारका स्वर तथा व्यन्जन वर्णहरूको साथसाथै अन्य 'कोडिङ' अक्षरहरूका व्यवस्था गरिएको छ । 

करिब '३१ वटा कोडिङ्ग' औलाको 'ट्याप'द्धारा लेख्न सकिनेछ । यस प्रविधिले ९९ प्रतिशतको लेखाइमा शुद्धता हुने कम्पनीको दाबी  छ । 'भ्वाइस' तथा 'पर्सनल गेस्चर' हरू अभिव्यक्त गर्दा वरपरको वातावरणको हेक्का राख्नु पर्ने हुन्छ । यस समस्याको समाधानको रूपमा आइएको छः 'ट्याप स्ट्रर्‍याप' । हामी धेरैले अनुमान गरेको 'लेजर–प्रोजेक्टेडे भिर्चुअल किबोर्ड' भन्दा पृथक रहेको यस उपकरणबाट लेख्न सजिलो हुने भएको छ । 

यस उपकरणको 'कम्प्याटिबलीटी' , 'एयान्ड्रोइड स्मार्ट फोन', 'स्मार्ट टि.भी', 'विन्डोज', 'म्याक ओ एस एयाक्स' , 'प्लस एयान्रोइड' र 'आई ओ एस'  तथा अन्य उपकरणसँग पनि सजिलै प्रयोगमा आउन सक्छ ।