तिहारअघि नै ढकमक्क मखमली (फोटोफिचर)

नेपालीहरुको दोस्रो ठूलो चाड तिहार आउन केही दिनमात्र बाँकी छ। तिहारलाई फूलको चाड पनि भनिन्छ। विशेषगरी लक्ष्मीपूजा र भाइटीकाको दिन फूलको बढी प्रयोग हुन्छ।

भाइटीकाको दिन दिदीबहिनीले दाजुभाइलाई सुस्वास्थ्यको कामना गर्द मखमली फूलको माला लगाइदिने परम्परा छ। 

यस वर्ष तिहार ढिलो परेकाले मखमली फुलिसकेको छ। निकै दिनसम्म नओलाउने भएकोले मखमली बारीबाटै बिक्री सुरु भएको छ। 

अगाडि नै फुल्दा तिहारलाई फूल अपुग हुने चिन्ता व्यवसायीलाई छ। कतिपय व्यवसायीले भने क्यालेन्डरअनुसार नै ढिलो फुल्ने गरी खेती गरेका छन्। 

त्यसो त कोरोना महामारीका कारण यस वर्ष विगतका वर्षमा जस्तो फूलखेती भएको छैन। टनेलमा फूल लगाउने धेरैले तरकारी लगाएका छन्।

हरेक वर्ष तिहारको समयमा फूलैफूलले सजिने भक्तपुरको गुण्डु क्षेत्रमा यसवर्ष त्यति रौनक छैन। कोरोनाका कारण लकडाउन भएकाले बिक्री नहुने आशंकामा किसानहरुले फूल कम लगाएका छन्।

हेरौं, नेपाल समयका फोटोपत्रकार दिनेश श्रेष्ठले खिचेका केही तस्बिर