३५ करोड प्रयोगकर्ता रहेको भारतीय एप गुगलले हटाइदियो

एजेन्सी- गुगलले भारतको एउटा चर्चित एप्लिकेसन आफ्नो प्ले स्टोरबाट हटाइदिएको छ।

पेटीएम एप गुगलले प्ले स्टोरबाट हटाइदिएको बीबीसीले जनाएको छ।

गुगलले अनलाइन बाजीसम्बन्धी शर्तहरु उल्लंघन गरेको आरोप लगाएको छ। पेटीएम भारतको एक चर्चित एप हो। महिनामा झण्डै ५ करोड सक्रिय प्रयोगकर्ताहरु रहेको एपको दाबी छ।

एपका अनुसार उसका कुल ३५ करोड प्रयोगकर्ता रहेका छन्।

गुगलका सह अध्यक्ष सुजेन फ्रेले यो एपले गुगलका सुरक्षासम्बन्धी नीतिहरु उल्लंघन गरेको र ग्राहकहरुले असुरक्षित महसुस गरेकाले प्ले स्टोरबाट हटाइएको दाबी गरेका छन्।

पेटीएमले आफ्नो आधिकारिक ट्वीटर ह्यान्डिलमा ट्वीट गर्दै यसको नयाँ अपडेट गुगलमा उपलब्ध नभएको, प्रयोगकर्ताहरुको सबै पैसा सुरक्षित रहेको र छिट्टै गुगलमा उपलब्ध हुने उल्लेख गरेको छ।