संसारभर जिमेल डाउन, मेल पठाउन बन्द

एजेन्सी- गुगलको इमेल सेवा ‘जिमेल’ मा समस्या देखिएको छ। जिमेलको सर्भर डाउन भएपछि विश्वका अधिकांश देशमा जिमेल अबरुद्ध भएको छ।

जिमेलका जहाँसुकैका प्रयोगकर्ताले ‘फाइल अट्याच’ मा समस्या भोगिरहेका छन्। जिमेलका साथै गुगलको ‘ड्राइभ’ मा समेत समस्या देखिएको छ। यसका साथै युट्युबमा भिडियोहरु अपलोडमासमेत समस्या देखिएको छ।

विश्वभरबाट यस्तो समस्या महसुस भएको प्रतिक्रिया सार्वजनिक भए पनि जिमेलले यसबारे आधिकारिक रुपमा केही बताएको छैन।

पछिल्ला २ महिनायता जिमेलमा यसप्रकारको समस्या पटकपटक देखिएको छ। आज भने लामो समयसम्म जिमेलमा समस्या देखिएको छ।

बिहान झण्डै साढे ८ बजेदेखि जिमेलमा समस्या देखिन सुरु भएको हो। कतैकतै भने फाट्टफुट्ट रुपमा सर्भर चलेको पाइए पनि अधिकांश देशमा जिमेलमा समस्या देखिएको छ।