टिकटकमा प्रतिबन्ध लगाउने कार्यकारी आदेशमा राष्ट्रपति ट्रम्पको हस्ताक्षर

अमेरिकी सरकारी निकायहरूका सरकारी फोनमा टिकटक प्रतिबन्ध भइसकेको छ।

नेपाल समय | शुक्रबार, साउन २३, २०७७

नेपाल समय

शुक्रबार, साउन २३, २०७७

टिकटकमा प्रतिबन्ध लगाउने कार्यकारी आदेशमा राष्ट्रपति ट्रम्पको हस्ताक्षर

अमरिकी राष्ट्रपति डोनाल्ड ट्रम्पले चिनियाँ एप टिकटक र वीच्याटलाई प्रतिबन्ध लगाउने कार्यकारी आदेशमा हस्ताक्षर गरेका छन्।

आगामी ४५ दिनमा ती आदेशहरू लागू हुनेछन्। त्यसपछि सबै अमेरिकी कम्पनीले ती चिनियाँ एप सञ्चालन गर्ने कम्पनीसँग आफ्नो कारोबार बन्द गर्नु पर्नेछ। अमरिकाको राष्ट्रिय सुरक्षाका लागि त्यसो गर्नु आवश्यक भएको दाबी ट्रम्पले गरेका छन्।

अमेरिकी कम्पनी माइक्रोसफ्टले अमेरिकामा सञ्चालन गर्नेगरी टिकटक किन्न वार्ता गरिरहेका बेला यस्तो कार्यकारी आदेश जारी भएको हो।

टिकटक चिनियाँ कम्पनी बाइटडान्सको स्वामित्वमा रहेको भिडियो सेयरिङ एप हो भने वीच्याट टेन्सेन्ट कम्पनीले सञ्चालन गरेको म्यासेज पठाउने एप हो।

चीनमा विकसित र चिनियाँ कम्पनीको स्वामित्वमा भएका मोबाइल एपहरूको प्रयोग अमेरिकामा बढ्दा अमेरिकी राष्ट्रिय सुरक्षा, विदेश नीति र अर्थतन्त्रलाई खतरा भइराख्ने ट्रम्पको तर्क छ।