भारत : आन्ध्र प्रदेशमा रोबोट पुलिस नियुक्त

काठमाडौं- साइबर अपराधविरुद्ध लड्न भारतको आन्ध्र प्रदेश प्रहरीले पहिलो पटक रोबोट (साइबर सेक्युरिटी इन्टरएक्टिभ रोबोटिक एजेन्ट) साइबिरा परिचालन गरेको छ।

यो रोबोटले उजुरी दर्ता गर्ने तथा यस्ता मुद्दामा प्रहरीलाई तत्काल समाधानका लाग सहयोग गर्नेछ।

रोबोट निर्माता कम्पनीका एक सदस्यका अनुसार आन्ध्र प्रदेशमा पहिलो पटक यस्तो रोबोट प्रहरी परिचालन गर्न लागिएको हो। यो रोबोटले प्रहरीको कामलाई सजिलो बनाउन सहयोग गर्ने अपेक्षा गरिएको छ।

चौकीमा कार्यरत प्रहरी निकै तनाब र दबाबमा हुने भएकाले रोबोटले ती कामहरु सहज छिटो बनाइदिने प्रहरीको दाबी छ।

रोबोट निर्माण कम्पनीका एक सदस्यका अनुसार यसले कुनै पनि तत्काल हेर्नुपर्ने मुद्दालाई प्रहरीले हेर्न सकिरहेको छैन भने रोबोटले २४ घण्टामा प्रहरी प्रमुख र मुख्यमन्त्रीलाई पठाइदिने छ।

समस्या समाधान लागि रोबोटमा १३८ प्रकारका एप्लिकेशन इन्स्टल गरिएको छ। यसमा १३ वटा क्यामेर राखिएको छ। जसले ३६० डिग्री मा २४ घण्टा र सातै दिन काम गर्नेछ।

साथै विभिन्न एप्लिकेशन राखिएको यो रोबोटले आफ्नो नजिकबाट कुनै अपराधी हिँडेमा उसले यसको म्यासेज कन्ट्रोल रुपमा पठाउनेछ।

रोबोटले प्रहरी कार्यालयमा आउने मुद्दाहरुमा मौखिम मुद्दा पनि दर्ता गर्न सक्नेछ। कतिपय पीडितहरु आफ्नो मुद्दा दर्ता गर्न नसक्ने अवस्थामा भएकाले उसको अगाडि गएर बोलेमा उसले मुद्दा दर्ता गर्नेछ।