पहिरोमा परी एकाघरका दुई जनाको मृत्यु

नेपाल समय | मंगलबार, साउन १२, २०८३

नेपाल समय

मंगलबार, साउन १२, २०८३

गण्डकी- पहिरामा परी लमजुङको मध्यनेपाल नगरपालिका-७ भाटवेशीमा बुबा र छोरीको मृत्यु भएको छ।

आज बिहान गएको पहिरोले घर भत्काउँदा पुरिएर मध्यनेपाल-७ भाटवेशीएकाघरका ५९ वर्षीय टिकबहादुर विक र उनकी कान्छी छोरी विनिता विकको मृत्यु भएको इलाका प्रहरी कार्यालय, भोर्लेटारका प्रहरी निरीक्षक धु्रवप्रसाद शर्माले जानकारी दिए।

घरमाथि रहेको नगरकुलो भत्केपछि पहिरो खसी धन्सारसहितको दुईतले कच्ची घरमा क्षति पुर्‍याएको उनको भनाइ छ। घटनामा विककी श्रीमती सुकमाया र जेठी छोरी अस्मिता घाइते भएको र उनहरुलाई उद्धार गरी उपचारका लागि अस्पताल पठाइएको प्रहरीले जनाएको छ। विक परिवार स्थानीय विष्णुदत्त सुवेदीको घरमा बसोबास गर्दै आएको थियो।

प्रकाशित: Jul 28, 2026| 12:10 मंगलबार, साउन १२, २०८३