विद्युत् नियमन आयोगमा खुला प्रतिस्पर्धाबाट नियुक्ति गरिँदै

नेपाल समय | बिहीबार, वैशाख ३१, २०८३

नेपाल समय

बिहीबार, वैशाख ३१, २०८३

विद्युत् नियमन आयोगमा खुला प्रतिस्पर्धाबाट नियुक्ति गरिँदै

काठमाडौं- ऊर्जा, जलस्रोत तथा सिँचाइ मन्त्रालयले विद्युत् नियमन आयोगका रिक्त पदाधिकारी नियुक्तिका लागि खुला प्रतिस्पर्धाबाट छनोट प्रक्रिया अघि बढाएको छ।

सार्वजनिक पदाधिकारीको पदमुक्तसम्बन्धी अध्यादेश जारी भएसँगै आयोगका पदाधिकारी पदमुक्त भएका थिए ।

ऊर्जा, जलस्रोत तथा सिँचाइमन्त्री विराजभक्त श्रेष्ठले आयोगका पदाधिकारी छनोट गर्न ३ सदस्यीय सिफारिस समिति गठन गरेका हुन्।

मन्त्रालयका सचिव चिरञ्जीवी चटौतको संयोजकत्वमा गठन भएको समितिमा ऊर्जा मन्त्रालयका सहसचिव सागरराज गौतम र ऊर्जाविज्ञ सतिषनारायण जोशी सदस्य हुन्।

अब आयोगको अध्यक्षसहित ४ सदस्यका लागि आवेदन आह्वान गर्ने छ। यसका लागि १५ दिने सूचना जारी गरिने मन्त्रालयले जनाएको छ।

प्रकाशित: May 14, 2026| 13:58 बिहीबार, वैशाख ३१, २०८३