५० निजामती कर्मचारी सम्मानित

काठमाडौं । निजामती कर्मचारी दिवसको अवसरमा चन्द्रलोक प्रतिष्ठानले ५० जनाभन्दा बढी निजामती कर्मचारीलाई सम्मान गरेको छ। काठमाडौंमा आयोजित एक कार्यक्रममा पूर्वराष्ट्रपति विद्यादेवी भण्डारीले उनीहरूलाई सम्मान गरेकी हुन्।

सम्मानित हुनेहरूमा विद्युत् विकास विभागका उपसचिव बद्री कुइँकेल, चन्द्रागिरि नगरपालिकाका शिक्षा निर्देशक सुजनराज खनाल, सञ्चार तथा सूचना प्रविधि मन्त्रालयकी उपसचिव निर्मला थापा, र यातायात व्यवस्था विभागका प्राविधिक निर्देशक श्रीकान्त यादव लगायतका कर्मचारी रहेका छन्।

त्यसैगरी, मालपोत कार्यालय साँखुका प्रमुख मालपोत अधिकृत (उपसचिव) कुमारबहादुर खड्का, खाद्य प्रविधि तथा गुण नियन्त्रण कार्यालय भैरहवाका वरिष्ठ खाद्य अनुसन्धान अधिकृत अनुप हलवाई, बूढानीलकण्ठ नगरपालिकाका उपनिर्देशक गोपालप्रसाद पोखरेल, अधिकार सम्पन्न वाग्मती सभ्यता एकीकृत विकास समितिका उपसचिव वीरबल अधिकारी, र डिभिजन वन कार्यालय सुनसरीका डिभिजनल वन अधिकृत खुद्रस मिर्या पनि सम्मानित भएका छन्।

यसका साथै, अर्थ मन्त्रालयका शाखा अधिकृत रामप्रसाद रेग्मी, नापी कार्यालय साँखुका अधिकृत भानुभक्त भट्ट, सिँचाइ तथा जलस्रोत व्यवस्थापन आयोजना धनुषाका इञ्जिनियर रुपनारायण यादव लगायतका कर्मचारीहरू पनि सम्मानित भएका छन्।