बनेपामा एटीएम मेसिन फोड्ने एक जनालाई प्रहरीले नियन्त्रणमा लिएको छ। पक्राउ पर्नेमा सिन्धुलीको घ्याङलेख गाउँपालिका–८ घर भएका ३० वर्षीय बुद्धिलाल तामाङ छन्।
प्रहरीका अनुसार बुधबार करिब ११:४० बजे बनेपामा रहेको नबिल बैंकको एटीएम मेसिन फोड्ने प्रयास भइरहेको खबर प्राप्त भएपछि इलाका प्रहरी कार्यालय बनेपाबाट प्रहरी टोली घटनास्थल पुगेको थियो ।
एटीएम मेसिन फोड्दै गरेको अवस्थामा रड र हतौडासहित तामाङ पक्राउ परेको जिल्ला प्रहरी कार्यालय काभ्रेले जनाएको छ।
तामाङमाथि इलाका प्रहरी कार्यालय राखेर थप अनुसन्धान भइरहेको छ।
प्रकाशित: May 22, 2025| 19:54 बिहीबार, जेठ ८, २०८२
