सोमबार, पुस ७, २०८२
फोहोरले छोपेको अवस्थामा भेटियो सुकेधारामा शव
काठमाडौंको सुकेधारामा एक पुरुषको शव फेला परेको छ।
धोबीखोला नजिकैको भत्किएको संरचनामा प्रयोगमा नरहेको शौचालयभित्र शव भेटिएको प्रहरीले जानकारी दिएको छ। शवलाई फोहोर थुप्रोले ढाकेर राखेको पाइएको छ।
उक्त शव ओखलढुंगा घर भई काठमाडौं बस्दै आएका ५० वर्षीय अडविर राईको रहेको प्रहरीले जनाएको छ। शवलाई म्याट्रेस, सिरानी, झोला र फोहोर कपडाहरूले छोपेर राखेको प्रहरीको भनाइ छ।
प्रारम्भिक अनुसन्धानमा उनको हत्या भएको प्रहरीको भनाइ छ। मृतक व्यक्तिको टाउको, निधार र नाकमा धारिलो हतियारले प्रहार गरिएको छ। मृतकको अनुहार र कपालमा रगत लतपतिएको समेत बताइएको छ।
यस विषयमा प्रहरीले अनुसन्धान गरिरहेको छ। शवलाई महाराजगन्ञजस्थित शिक्षण अस्पतालमा राखिएको प्रहरीले जानकारी दियो।
प्रतिक्रिया दिनुहोस्
सम्पर्क
Shantinagar, Kathmandu, Nepal
फोन : +977-1-4790040/+977-1-4790242
इमेल : nepalsamayanews@gmail.com
फोन : +977-1-4790040/+977-1-4790242
इमेल : nepalsamayanews@gmail.com