काठमाडौं- बागलुङको बडिगाडमा जिप दुर्घटना हुँदा दुई जनाको मृत्यु भएको छ। दुर्घटनामा अन्य पाँचजना घाइते भएको जिल्ला प्रहरी कार्यालय बागलुङले जनाएको छ।
बडिगाड गाउँपालिक–७ भिमगिठेबाट बडिगाड १० दर्लिङतर्फ जाँदै गरेको लु ३ च ५५६९ नम्बरको जिप सोमबार साँझ दुर्घटनामा परेको प्रहरी जनाएको छ।
दुर्घटनामा निसीखोला गाउँपालिका–७ चोलाङ निवासी ७५ वर्षिय खड्कबहादुर कुवँर र ढोरपाटन नगरपालिका ५ बस्ने ३५ वर्षीया जुना कँडेलको मृत्यु भएको हो।
उकालो सडकमा ब्याक भएर जिप दुर्घटना भएको प्रहरीले जनाएको छ।
प्रकाशित: Feb 25, 2025| 09:00 मंगलबार, फागुन १३, २०८१
