कालिमाटीमा मृत भेटिए भरिया

काठमाडौंको कालिमाटी तरकारी बजारमा एक व्यक्ति मृत फेला परेका छन्।

तरकारी बजारमा भरियाका रूपमा लामो समयदेखि काम गर्दै आएका रामकृष्ण दाहाल आज बिहान मृत फेला परेका हुन्।

जिल्ला प्रहरी परिसर काठमाडौंका अनुसार उनको टाउकोमा गम्भीर चोट देखिएकाले हत्याको अनुमान गरिएको छ। टाउकोमा रडको चोटजस्तो देखिएको प्रहरीले बताएको छ।

तरकारी बजारका अन्य भरियासँग दाहालको विवाद भएपछि हत्या भएको हुन सक्ने प्रहरीको अनुमान छ। राति ढिलासम्म काम गरेपछि दाहाल कहिलेकाहीँ बजारकै तरकारी स्टलमा सुत्ने गरेको बताइएको छ।