बागमतीमा डुबेर युवकको मृत्यु

सरस्वतीको मूर्ति सेलाउने क्रममा बागमती नदीमा डुब्दा एक युवकको मृत्यु भएको छ।

रौतहटको राजदेवी नगरपालिका-६ मा रहेको बागमती नदीमा सरस्वती पूजाको मूर्ति विसर्जन गर्ने क्रममा राजदेवी-७ मुडवलवाका २२ वर्षीय सुरज यादव डुबेर बेपता भएका थिए।

यादवको मंगलबारदेखि नै सुरक्षाकर्मी र स्थानीयले खोजी गरेका थिए। उनको शव आज बिहान उनी डुबेकै स्थानमा फेला परेको जिल्ला प्रहरी कार्यालय रौतहटले जनाएको छ।

पानीमुनि रहेको उनको शवलाई माछा मार्ने जाल प्रयोग गरेर निकालिएको थियो।