धरानमा २० किलो गाँजासहित दुईजना पक्राउ

सुनसरीको धरानमा लागू पदार्थ गाँजा सहित दुई पक्राउ परेका छन्।

धरान उपमहानगरपालिका वडा नम्बर ६ पानवारा प्रहरी चौकीको टोलीले को ३२ प १७५० नम्बरको मोटरसाइकलबाट गाँजा बरामद गरेको हो।

चालक धनकुटाको साँघुरीगढी गाउँपालिका वडा नम्बर १ घर भएका बुद्धराज लिम्बू र पछाडि बसेका महाप्रसाद लिम्बुलाई नियन्त्रणमा लिइएको सुनसरी जिल्ला प्रहरी कार्यालयका प्रवक्ता डिएसपी रामप्रसाद तिमिल्सिनाले जानकारी दिए।

बरामद लागू औषध र मोटरसाइकलसहित दुवैलाई इलाका प्रहरी कार्यलय धरानमा राखी थप अनुसन्धान भइरहेको प्रहरीले बताएको छ।