केटी साथीको खोजीमा एलियन

अन्सु कुमार झट्ट हेर्दा बलिउड स्टार ऋतिक रोसनको साइन्स फिक्सनमा आधारित ‘कोई मिल गया’ फिल्मका एलियन ‘जादु’ (फिल्ममा एलियनलाई दिएको नाम) जस्ता देखिन्छन् । 

ठूलो र चौंडा टाउको, चेप्टिएको आँखा र सानो आकारका कानका कारण उनलाई सबैले एलियन भन्छन् । २२ वर्षका अन्सुकुमार भारत पन्जाबका बासिन्दा हुन् । टाउको त्यस्तै भएका कारण कपाल पनि उम्रिएको छैन । जन्मजात उनी यस रोगबाट ग्रसित थिए । जन्मपछि उनको अभिभावकले रोगको उपचार गराए पनि उक्त रोगको निदान नभएको  डाक्टरले बताएका थिए । 

तर, उनको इच्छा भने टाउकोको उपचार गरेर विवाह गर्नु रहेको छ । टाउकोकै कारण उनको कोही पनि केटी साथी छैनन् । प्रायः एक्लो रहने कुमारका लागि बच्चाहरू नै साथी भएका छन् । राम्रो र स्तरीय अस्पतालमा आफ्नो टाउको उपचार हुन सक्ने जानकारी भएपछि भने कुमारमा केही आशा पलाएको छ । 

अन्सुकुमार स्थानीय उद्योगका मजदुर हुन् । मासिक ५ हजार भारु पारिश्रमिक पाउने अन्सु कुमार आफ्नो टाउकाको उपचारका लागि आम्दानीले नपुग्ने बताउँछन् ।