काठमाडौं- त्रिभुवन विमानस्थल नजिकै विमान दुर्घटना भएको छ। दुर्घटनापछि अहिले उद्धार जारी छ।
प्रारम्भिक जानकारीअनुसार अहिले अग्नि नियन्त्रकहरूले कम्तीमा १८ जनाको शव निकालेका छन्। यो संख्या बढ्न सक्ने अनुमान छ। विमानमा सवार अधिकांशको मृत्यु भएको आशंका छ।
क्याप्टेन मनिष शाक्यको भने जीवितै उद्धार गरेर अस्पताल लगिएको छ। आँखामा चोट लागेका उनको अवस्था सामान्य नै छ र उनी राम्रोसँग बोल्न सक्छन्।
आज बिहान करिब ११ बजे सौर्य एयरलाइान्सको जहाज पोखरा उड्ने क्रममा रनवेबाट दुर्घटनामा परेको थियो।