समस्याग्रस्त सहकारी सञ्चालकलाई समितिमा उपस्थित हुन निर्देशन

काठमाडौं- सहकारीको बचत रकम दुरुपयोग सम्बन्धमा गठित संसदीय छानबिन विशेष समितिले समस्याग्रस्त २९ वटै सहकारीका सञ्चालकहरुलाई समितिमा उपस्थित हुन निर्देशन दिएको छ। 

बिहीबार सिंहदरबारमा बसेको संसदीय छानबिन विशेष समितिले अनुसूचीमा रहेका २९ वटै सहकारीका सञ्चालकलाई समितिमा उपस्थित भइ अनुसन्धानमा सहयोग गर्न आग्रह गरेको हो।

समितिले गृहसचिव, प्रहरी महानिरीक्षक सहितलाई समेत शुक्रबार बस्ने बैठकमा उपस्थित हुन भनेको छ।