दिनेश कार्तिकले लिए क्रिकेटबाट संन्यास

काठमाडौं- भारतीय क्रिकेटर दिनेश कार्तिकले क्रिकेटबाट सन्न्यास लिएका छन्। ३९ वर्षीय विकेटकिपर ब्याटर कार्तिकले शनिबार आफ्नो जन्मदिन पारेर सन्न्यास लिएको घोषणा गरेका हुन्।

उनले भारतीय टोलीबाट २६ टेस्ट, ९५ एक दिवसीय र ६० टी-२० खेलेका छन्। सन् २००४ मा टेस्टमा डेब्यु गरेका उनले २००६ मा एक दिवसीय र टी-२० अन्तर्राष्ट्रिय खेलमा डेब्यु गरेका थिए।

कार्तिकले इन्डियन प्रिमियर लिग आईपीएलमा रोयल च्यालेन्जर्स बेङ्गलोरबाट खेल्दै आएका थिए। पछिल्लो खेल उनले आईपीएलमा राजस्थानसँग २२ मे मा खेलेका थिए।