बिजुलीको पोल बोकेको ट्याक्टर दुर्घटनामा तीनजनाको मृत्यु

दैलेखको दुल्लु नगरपालिका–६ धाडाको जंगलमा भे.१ त. ८९६ नम्बरको ट्याक्टर दुर्घटनामा परेर घाइते भएका थप दुई जनाको उपचारका क्रममा मृत्यु भएको छ यो सँगै मृत्यु हुनेको संख्या तीन पुगेको छ ।

आइतबार विद्युतको पोल बोकेर दुल्लुको भस्नेपाटीदेखि खड्केगैरा जाँदै गरेको ट्याक्टर  दुर्घटनामा परी दुल्लु नगरपालिका–६ का ५५ वर्षीय मानबहादुर रावलको घटनास्थलमै मृत्यु भएको थियो ।

अन्य दुई जना दुल्लु नगरपालिका–६ खच्चेगैराका ५६ वर्षीय कमारो रावल र चालक कमल शाहीको उपचारका क्रममा सुर्खेतको कालागाउँ अस्पतालमा आइतबार राती मृत्यु भएको जिल्ला प्रहरी कार्यालय दैलेखले जानकारी दिएको छ ।  अन्य तीन जना घाइतेको पनि उपचार भइरहेको छ ।