बुधबार राति काठमाडौं उपत्यकामा भूकम्पको धक्का महसुस भएको छ। मध्य राति १ बजेर १९ मिनेटमा धक्का महसुस भएको हो। धक्कासँगै गड्याङगुडुङ आवाज समेत आएको थियो।
भूकम्पले ब्य्ँझाएपछि मानिसहरुको हल्लाखल्ला सुनिएको छ। कतिपय बाटोमा समेत निस्किएका छन्।
भूकम्पको म्याग्निच्युड ४.५ रेक्टर स्केल भएको र मकवानपुरको चित्लाङ आसपास इपिसेन्टर रहेको राष्ट्रिय भूकम्प मापन तथा अनुसन्धान केन्द्रले जनाएको छ। काठमाडौं उपत्यकासँगै आसपासका जिल्लामा पनि धक्का महसुस भएको छ।
प्रकाशित: Nov 23, 2023| 01:56 बिहीबार, मंसिर ७, २०८०
