फार्मेसी सहायक पदको परीक्षामा सबै फेल

काठमाडौं–लोकसेवा आयोगले फार्मेसी सहायक पदका लागि लिएको परीक्षामा सबै अनुत्तीर्ण छन्। आयोगको जलेश्वर कार्यालय र पोखरा कार्यालयले लिएको लिखित परीक्षामा कोही पनि उत्तीर्ण नभएका हुन्।

जलेश्वर कार्यालयमा खुलातर्फ एक जना सहायक फार्मेसी पदको विज्ञापन खुलेकामा लिखित परीक्षामा १३ जना सहभागी थिए।

पोखरा कार्यालयमा महिला कोटामा १ जनाको माग भएकामा लिखित परीक्षामा ३ जना सहभागी थिए। सहभागी सबै अनुत्तीर्ण भएका हुन्।