काठमाडौं– बागमती प्रदेशका भौतिक पूर्वाधार विकासमन्त्री युवराज दुलालका अंगरक्षक (पीएसओ) मृत भेटिएका छन्।
पीएसओ यामबहादुर सुवेदी हेटौडा उपमहानगर– ११ को वनदेवी मन्दिर परिसरमा झुन्डिएको अवस्थामा मृत भेटिएको प्रहरीले बताएको हो।
मन्त्रीका अंगरक्षक प्रहरी सहायक निरीक्षक सुवेदी झुन्डिएको अवस्थामा भेटिएको मकवानपुर प्रहरी प्रमुख सीताराम रिजालले जानकारी दिए। घटनाबारे अनुसन्धान थालिएको उनको भनाइ छ।